کراچی:(دنیا نیوز) عالمی و مقامی سطح پر سونے کی قیمتوں میں اضافہ ہوگیا۔
مقامی صرافہ مارکیٹس کے تاجروں کا کہنا ہے کہ 24 قیراط فی تولہ سونا 3500روپے بڑھ کر 3 لاکھ 51 ہزار روپے کا ہوگیا۔
اسی طرح 10 گرام سونے کی قیمت 3 ہزار روپے اضافے سے 3 لاکھ 925 روپے ہوگئی جبکہ انٹرنیشنل مارکیٹ میں فی اونس سونا 35 ڈالر بڑھ کر 3326 ڈالر کا ہوگیا۔
واضح رہے گزشتہ روز پاکستان میں فی تولہ سونے کی قیمت میں 1900 روپے کمی کے باعث مقامی صرافہ بازاروں میں فی تولہ سونے کی قیمت 3 لاکھ 47 ہزار 500 روپے اور دس گرام سونے کی قیمت 2 لاکھ 97 ہزار 925 روپے ہوگئی تھی۔
