نان فائلرز کے بینک سے رقوم نکلوانے پر ٹیکس کی شرح مزید بڑھا دی گئی

Published On 10 June,2025 06:30 pm

اسلام آباد: (دنیا نیوز) نئے بجٹ میں نان فائلرز کے رقوم نکلوانے پر ٹیکس شرح مزید بڑھا دی گئی۔

بینک سے نقد رقم نکلوانے پر ایڈوانس ٹیکس کی شرح 0.6 فیصد سے بڑھا کر 1 فیصد کردی گئی جبکہ نان فائلرز کو بینک اکاؤنٹ کھلونے کی سہولت سے بھی محروم کردیا گیا، نان فائلرز سیکیورٹیز اور میوچل فنڈز میں سرمایہ کاری بھی نہیں کر سکے گا۔

بجٹ تجویز کے مطابق نان فائلرز گاڑی یا غیرمنقولہ جائیداد نہیں خرید سکے گا، ٹیکس کی بیاد وسیع کرنے اور انفورسمنٹ کر بہتر بنانے کیلئے بیرونی آڈیٹر کی خدمات لی جائیں گی۔

نان فائلرز پر ٹیکس کی شرح میں اضافے کا مقصد نقد لین دین کرنے والوں کی حوصلہ شکنی کرنا ہے، نئے بجٹ میں فائلرز اور نان فائلرز کا فرق ختم کرنے کی تجویز پیش کی گئی، صرف ٹیکس گوشوارے اور ویلتھ اسٹیٹمنٹ جمع کرانے والوں کو مالی لین دین کی اجازت ہو گی۔