اسلام آباد: (دنیا نیوز) پٹرولیم مصنوعات کی سمگلنگ روکنے کی طرف آئل اینڈ گیس ریگولیٹری اتھارٹی (اوگرا) نے بڑا اقدام کر لیا۔
اوگرا نے ٹریک اینڈ ٹریس سسٹم تیار کرلیا، اب تک 29 سے زائد او ایم سیز، ای آر پی سسٹمز پر منتقل ہوچکے ہیں، تقریباً 15,000 آئل ٹینکرز جی پی ایس ٹریکرز سے لیس کیے جا چکے ہیں۔
سسٹم پنجاب انفارمیشن ٹیکنالوجی بورڈ کے تعاون سے متعارف کروایا گیا، نظام میں ای آر پی پلیٹ فارمز، جی پی ایس ٹریکنگ اور مرکزی ڈیش بورڈز کا استعمال کیا جائے گا۔
نظام کے تحت پٹرولیم مصنوعات کی ترسیل کے مکمل نظام کو ڈیجیٹل بنایا جا رہا ہے، سسٹم کے ذریعے ایندھن کی ترسیل کی بروقت نگرانی، غیر قانونی ڈیکینٹنگ اور سمگلنگ کی روک تھام ممکن ہو سکے گی۔
آئل اینڈ گیس ریگولیٹری اتھارٹی نے باضابطہ طور ایک جامع ٹریک اینڈ ٹریس سسٹم تیار کرنا پاکستان آئل سپلائی چین کو ڈیجیٹلائز کرنے کے سفر میں دوسرے مرحلے کا آغاز ہے۔
