اسلام آباد: (دنیا نیوز) وزیراعظم شہباز شریف نے کہا ہے کہ اویس لغاری نے بہترین کارکردگی دکھائی، 6 آئی پی پیز سے معاہدے ختم اور اصلاحات کرنے سے 3 کھرب روپے فائدہ ہوا۔
وزیراعظم شہباز شریف نے اویس لغاری کو بہترین کارکردگی پر شاباش دی اور خصوصی خط بھی لکھ دیا۔
انہوں نے کہا کہ اویس لغاری نے 780 ارب روپے کے گردشی قرضے ختم کرنے میں کلیدی کردار ادا کیا، 35 آئی پی پیز کے ساتھ پرانے معاہدوں کو ختم کرنے اور نئے معاہدوں میں اویس لغاری کی بہترین کوششیں رہیں۔
انہوں نے بتایا کہ 6 آئی پی پیز سے بالکل معاہدے ختم کرنے اور ریفارمز سے قوم کو 3 کھرب روپے سے زائد کا فائدہ ہوا، 8 روپے 35 پیسے فی یونٹ کے ٹیرف کمی سے بجلی صارفین کو تاریخی ریلیف ملا۔
وزیراعظم شہبازشریف نے کہا کہ میں امید کرتا ہوں آپ اور آپ کی ٹیم مزید محنت اور اچھے کام کرے گی جس سے توانائی سیکٹر میں بہتری اور معاشی صورتحال بہتر ہو گی۔
