لاہور: (دنیا نیوز) وزیراعلیٰ مریم نوازشریف کا کاشتکاروں کیلئے”ون سٹاپ سلوشن“ چار ماڈل ایگریکلچر مالز کے قیام کا معاہدہ طے پا گیا۔
جی سی آئی اور محکمہ زراعت کے ایم او یو پر دستخط ہوگئے، جی سی آئی ملتان، بہاولپور، سرگودھا اور ساہیوال کے ماڈل ایگریکلچر مال کا انتظام سنبھالے گی، کاشتکاروں کو ون سٹاپ سلوشن ملے گا۔
مزید 10 اضلاع میں ماڈل ایگریکلچر مالز بنائے جائیں گے، کاشتکاروں کے مسائل کا حل اور ضروریات کا حصول ایک چھت تلے ممکن ہوگا۔
.jpg)
چاروں ماڈل ایگریکلچر مال 45 ایام میں فنکشنل ہوجائیں گے، ماڈل مالز میں زرعی مداخل، لون، جدید زرعی مشینری، ٹریکٹر اور دیگر سروسز مہیا کی جائیں گی۔
مشینی کاشت کے فروغ کیلئے جدید ترین زرعی مشینری بھی رینٹ پر مہیا کی جائیگی، ڈرون سپرے کی سروسز بھی موجود ہوں گی۔
اس موقع پر مریم نواز شریف نے کہا کہ ماڈل ایگریکلچر مال کے قیام سے کاشتکار کو مڈل مین کا محتاج یا جگہ جگہ خوار نہیں ہونا پڑے گا۔
وزیراعلیٰ پنجاب نے کہا کہ مختصر عرصے میں کاشتکاروں کیلئے ریکارڈ اینیشی ایٹو لے کر آئے، کاشتکار کی ترقی، پاکستان کی ترقی ہے۔
