اسلام آباد: (دنیا نیوز) قومی ایئرلائن برطانیہ کی فضاؤں میں اڑان بھرنے کے لیے تیار، پی آئی اے ہفتہ سے برطانیہ کے لیے پروازوں کا باقاعدہ آغاز کر رہا ہے۔
5 سال 3 مہینوں بعد برطانیہ کا فضائی آپریشن بحال ہوگا، پہلی پرواز اسلام آباد سے مانچسٹر روانہ ہوگی، ابتدائی طور پر ہفتہ وار دو پروازیں منگل اور ہفتے کو آپریٹ ہوں گی۔
اسلام آباد ایئرپورٹ پر تمام تر انتظامات مکمل کرلئے گئے ہیں، اسلام آباد ایئرپورٹ پر مانچسٹر کی عمارت کا ہیوی پورٹریٹ بھی لگا دیا گیا۔
ہفتہ کو اسلام آباد ایئرپورٹ پر برطانیہ پروازوں کی بحالی کے حوالے سے باقاعدہ تقریب ہوگی، وفاقی وزیر دفاع خواجہ آصف تقریب میں خصوصی شرکت کریں گے۔
واضح رہے کہ 24جون 2020 کو غلام سرور خان نے پائلٹ کی ڈگریوں سے متعلق قومی اسمبلی کے فورم پر بیان دیا تھا، جس پر یکم جولائی 2020 کو برطانیہ نے پی آئی اے پر پابندی عائد کردی تھی۔
