لاہور: (دنیا نیوز) 16رکنی اسکواڈ کی قیادت سرفراز احمد کر رہے ہیں، شاہین 23 اپریل کو انگلینڈ روانہ ہوں گے۔
دورہ آئر لینڈ اور انگلینڈ کیلئے شاہینو ں کی تیاریوں کا آج سے آغاز ہوگا۔ چار روزہ کیمپ کیلئے کھلاڑی نیشنل اکیڈمی پہنچ گئے۔ قومی کرکٹرز کی فٹنس پر بھی کام ہو گا۔ قذافی اسٹیڈیم میں بیٹنگ کی خامیاں دور کرنے کیلئے بلے باز جان لڑائیں گے جبکہ بولرز بھی اپنی صلاحیتوں میں اضافہ کریں گے۔ 16رکنی ٹیم کی قیادت سرفراز احمد کر رہے ہیں۔ دیگر کھلاڑیوں میں اظہرعلی، فخر زمان، امام الحق، سمیع اسلم، اسد شفیق، بابر اعظم، حارث سہیل، فہیم اشرف، شاداب خان، حسن علی، محمد عامر، راحت علی، محمد عباس، سعد علی اور عثمان صلاح الدین شامل ہیں۔ شاہینوں کا آئرش ٹیم سے واحد ٹیسٹ 11مئی سے ڈبلن میں شروع ہو گا۔ انگلینڈ کے خلاف دو ٹیسٹ میچز کی سیریز چوبیس مئی سے شروع ہو گی۔ گرین شرٹس 23 اپریل کو لاہور سے براستہ دبئی انگلینڈ روانہ ہوں گے۔
