لاہور: (ویب ڈیسک) ہرتیک پانڈیا اور ڈنیش کارتیک ورلڈ الیون میں پاکستانی پلیئرز کیساتھ کھیلتے ہوئے نظر آ ئیں گے۔ یاد رہے کہ ورلڈ الیون کا ویسٹ انڈیز کی ٹیم کیساتھ ٹی ٹوئنٹی میچ لارڈز کے تاریخی مقام پر 31 مئی کو ہو گا۔
اس سے قبل پاکستان کی جانب سے شاہد آفریدی اور شعیب ملک کو ورلڈ الیون میں شامل کر لیا گیا تھا۔ لارڈ ز گراؤنڈ آئندہ ماہ عالمی الیون کا میزبان بنے گا۔ ورلڈ الیون کا31 مئی کو ویسٹ انڈیز سے امدادی میچ ہو گا۔ انگلش کپتان ایان مورگن عالمی الیون کی قیادت کریں گے۔ ویسٹ انڈیز اور ورلڈ الیون کے میچ کی آمدن دوہزار سترہ کے ارما طوفان میں تباہ ہونے والے کیربیئنز اسٹیڈیمز پر خرچ کی جائے گی۔
