لاہور (دنیا نیوز ) پاکستان کرکٹ کو ایک اور اچھی خبر کا انتظار ہے۔ نیوزی لینڈ نے پی سی بی کی طرف سے ملنے والی والی دعوت پر دورہ پاکستان پر غور شروع کر دیا ہے۔ پی سی بی نے نیوزی لینڈ کو پاکستان میں ٹی 20 میچ کھیلنے کی دعوت دے دی۔
پاکستان اور نیوزی لینڈ کے درمیان یو اے ای کے نیوٹرل وینیو پر رواں سال نومبر میں شیڈول ہے جس کی تاریخوں کا اعلان ہونا ابھی باقی ہے۔ طے شدہ ون ڈے اور ٹیسٹ کے علاوہ ٹی ٹونٹی میچ پاکستان میں آ کر کھیلنے کی پیشکش کی گئی ہے۔
دوسری جانب کیوی کرکٹ بورڈ نے پی سی بی کے اس دعوت نامے پر سنجیدگی سے غور شروع کر دیا ہے۔ حکام کا کہنا ہے کہ کھلاڑی اور سیکورٹی اداروں سے مشاورت کے بعد فیصلہ کریں گے، نیوزی لینڈ نے 15 سال سے پاکستان کا دورہ نہیں کیا ہے۔
