لاہور: (دنیا نیوز) پاکستان کرکٹ بورڈ نے خواتین ایشیا کپ کے لئے قومی سکواڈ کا اعلان کر دیا۔ بسمہ معروف قومی ٹیم کی قیادت کریں گے۔ چیف سلیکٹر جلال الدین کا کہنا ہے کہ مستقبل میں لڑکیوں کی فٹنس پر کام کرنا ہو گا۔
ملائیشیا میں ہونے والے خواتین ایشیا کپ کے لئے پی سی بی نے قومی خواتین کرکٹ ٹیم کا اعلان کر دیا ہے، پاکستان ٹیم کی قیادت بسمہ معروف کریں گی۔ سکواڈ میں منیبہ علی صدیقی، بی بی ناہیدہ، جویریہ رؤف، نین عابدی، عمائمہ سہیل، جویریہ ودود، سدرا نواز، ندا راشد، کائنات امتیاز، ثناء میر، ناشرا سندھو، انعم امین، نتالیا پرویز اور ڈائنا بیگ شامل ہیں۔
ویمن ٹیم کے چیف سلیکٹر جلال الدین کا کہنا ہے کہ ایشیا کپ ہے پہلا امتحان ہے، قومی ٹیم کی سلیکشن پر مطمئن ہوں لیکن فٹنس پر کام ضروری ہے۔
خیال رہے کہ ایشیا کپ میں مقابلے 3 جون سے شروع ہونگے۔ پاکستان ٹیم پریکٹس کیمپ کے لئے ایونٹ سے 5 دن پہلے ملائیشیا جائے گی۔
