لاہور: (دنیا نیوز) پاکستان کے سابق سٹار آف سپنر، دوسرا کے موجد اور پشاور زلمی کے سپن باؤلنگ کوچ ثقلین مشتاق اور انگلش پلئیر کرس جارڈن نے پشاور زلمی کو نمبرون برانڈ کا اعزاز ملنے پر مبارکباد دی ہے۔
سماجی رابطوں کی ویب سائٹ ٹویٹر پر اپنے ویڈیو پیغام میں ٹیم پشاور زلمی کے سپن باؤلنگ کنسلٹنٹ ثقلین مشتاق نے انگلینڈ اور پشاور زلمی کے آل راؤنڈر کرس جارڈن کے ہمراہ ویڈیو پیغام میں ٹیم پشاور زلمی، چیئرمین جاوید آفریدی اور زلمی فینز کو مبارکباد دی ہے۔ کرس جارڈن نے کہا ہے کہ انہیں خوشی ہے کہ ان کی ٹیم پشاور زلمی نے اہم اعزاز حاصل کیا اور امید ظاہر کی کہ ٹیم مستقبل میں مزید کامیابیاں حاصل کرے گی۔ ثقلین مشتاق نے بھی پشاور زلمی مینجمنٹ اور فینز کو مبارکبا دی۔
Really proud moment for us watching our team reach heights @CJordan myself -table talk cricket ...let’s keep going @PeshawarZalmi Family @JAfridi10 #ZalmiNumberOne pic.twitter.com/wDooWgxUyH
— Saqlain Mushtaq (@Saqlain_Mushtaq) July 9, 2018
واضح رہے کہ پاکستان سپر لیگ نے مسلسل دوسرے سال پشاور زلمی کو مستند غیر ملکی میڈیا ایکسپرٹ کمپنی نیلسن کی رپورٹ کی بنیاد پر اور میڈیا ویلیو کے لحاظ سے پی ایس ایل کا نمبرون برانڈ قرار دیا ہے۔
