جوہانسبرگ: (ویب ڈیسک) جنوبی افریقہ کے سٹار فاسٹ باؤلر ڈیل سٹین نے آئندہ سال ورلڈ کپ کے بعد ون ڈےکرکٹ سے الگ ہونے کا فیصلہ کرلیا کیونکہ جب تک ممکن ہو وہ ٹیسٹ کرکٹ جاری رکھنے کاارادہ رکھتے ہیں۔
غیرملکی میڈیا رپورٹس کے مطابق ڈیل سٹین کا کہنا تھا کہ ورلڈ کپ کھیلنے کا موقع حاصل کرنے کی کوشش کریں گے تاہم وہ میگا ایونٹ کے بعد ملک کی جانب سے مزید وائٹ بال (ون ڈے) کرکٹ نہیں کھیلیں گے۔ انہوں نے کہا کہ وہ اپنے تجربے سے ٹیم کو فائدہ پہنچانا چاہتے ہیں،ان کی صحت نسبتاً بہتر ہوچکی اور وہ پہلے سے کافی بہتر محسوس کر رہے ہیں۔
