تازہ ترین
  • بریکنگ :- ملک بھرمیں کورونامریضوں کی تعداد 12 لاکھ 21 ہزار 261 ہوگئی
  • بریکنگ :- ملک میں کوروناکےایکٹوکیسزکی تعداد 64 ہزار 564 ہے،این سی اوسی
  • بریکنگ :- ملک بھرمیں 24 گھنٹے کےدوران کوروناسےمزید 63 اموات
  • بریکنگ :- ملک بھرمیں کوروناسےجاں بحق افرادکی تعداد 27 ہزار 135 ہوگئی
  • بریکنگ :- 24 گھنٹےکےدوران 57 ہزار 77 کوروناٹیسٹ کیےگئے،این سی اوسی
  • بریکنگ :- 24 گھنٹےمیں کورونا کے مزید 2512 کیس رپورٹ،این سی اوسی
  • بریکنگ :- ملک میں کورونامثبت کیسزکی شرح 4.4 فیصدرہی،این سی اوسی
  • بریکنگ :- 24 گھنٹےمیں کوروناکے 3 ہزار 610 مریض صحت یاب،این سی اوسی
  • بریکنگ :- کوروناسےصحت یاب افرادکی مجموعی تعداد 11 لاکھ 29 ہزار 562 ہوگئی
  • بریکنگ :- ملک بھرمیں ایک کروڑ 87 لاکھ 97 ہزار 433 کوروناٹیسٹ کیےجاچکے
  • بریکنگ :- کوروناسےمتاثر 5117 مریضوں کی حالت تشویشناک،این سی اوسی
  • بریکنگ :- پنجاب 4 لاکھ 20 ہزار 615 ،سندھ میں 4 لاکھ 49 ہزار 349 کیسز،این سی اوسی
  • بریکنگ :- خیبرپختونخواایک لاکھ 70 ہزار 738،بلوچستان میں 32 ہزار 722 کیس رپورٹ
  • بریکنگ :- اسلام آباد ایک لاکھ 3 ہزار 923 ،گلگت بلتستان میں 10 ہزار 232 کیسز
  • بریکنگ :- آزادکشمیرمیں کورونامریضوں کی تعداد 33 ہزار 682 ہوگئی،این سی اوسی

تیسرا ون ڈے: انگلینڈ نے پاکستان کو تین وکٹوں سے شکست دے کر سیریز تین صفر سے جیت لی

Published On 14 July,2021 03:37 am

برمنگھم (سپورٹس ڈیسک) بولرز نے بابر اعظم کی محنت پر پانی پھیر دیا، انگلینڈ پھر فاتح، میزبان ٹیم نے ون ڈے سیریز تین صفر سے اپنے نام کرلی۔ انگلینڈ نے 332 رنز کا بڑا ہدف 48 اوورز میں 7 وکٹوں کے نقصان پر حاصل کرلیا۔

انگلینڈ نے بابر اعظم کی 158 رنز کی شاندار اننگز کے باوجود پاکستان کو تیسرے ون ڈے میچ میں بھی 3 وکٹوں سے شکست دے کر سیریز میں 0-3 سے وائٹ واش کر دیا۔

برمنگھم میں 20 ہزار تماشائیوں کی موجودگی میں پاکستان نے اننگز کا آغاز کیا تو دونوں اوپنرز نے سکور کو 21 تک پہنچایا ہی تھا کہ فخر زمان صرف چھ رنز پروکٹ دے بیٹھے۔ امام الحق 56 رنز بنانے کے بعد میٹ پارکنسن کی میچ میں پہلی وکٹ بن گئے ۔ بابر اعظم نے اپنی 14ویں سنچری مکمل کی۔ بابر اعظم اور محمد رضوان نے 20 اوورز سے کم میں 179 رنز کی بہترین شراکت قائم کی، رضوان 58 گیندوں پر 74 رنز بنانے کے بعد آؤٹ ہو گئے ۔ پاکستان نے مقررہ اوورز میں 9 وکٹوں کے نقصان پر 331 رنز بنائے، انگلینڈ کی جانب سے بریڈن کارس نے 5 وکٹیں حاصل کیں۔

جوابی اننگز میں حسن علی نے ڈیوڈ میلان کو صفر پر آؤٹ کر دیا۔ فل سالٹ 37 رنز کی اننگز کھیلنے کے بعد پویلین لوٹ گئے۔ 165 رنز پر پانچ وکٹیں گرنے کے بعد میچ میں پاکستان کی فتح کے امکانات روشن ہو گئے تھے لیکن گریگوری نے جیمز ونس کے ساتھ مل کر چھٹی وکٹ کیلئے 129 رنز کی شراکت قائم کر کے ٹیم کو فتح کی دہلیز تک پہنچا دیا۔ جیمز ونس 102 رنز بنا کر آؤٹ ہوئے۔ گریگوری کیریئر کی بہترین 77 رنز کی اننگز کھیلنے کے بعد حارث کو وکٹ دے بیٹھے۔7 وکٹیں گرنے کے باوجود ہدف کے تعاقب میں انگلینڈ کو کوئی مشکل پیش نہ آئی اور بریڈ کارس اور کریگ اوورٹن نے اپنی ٹیم کو دو اوور قبل ہی شاندار فتح سے ہمکنار کرا دیا۔ جیمز ونس کو مین آف دی میچ قرار دیا گیا۔