لاہور:(ویب ڈیسک)ٹی 20ورلڈ کپ میں اپنی شاندار کارکردگی کی بنیاد پر عوام کے دلوں میں گھر کرنیوالے وکٹ کیپر بلے باز محمد رضوان کی عوام سے قومی ٹیم کے لئے دعاؤں درخواست نے سب کے دل جیت لئے ہیں۔
وکٹ کیپر بلے باز محمد رضوان نے سماجی رابطے کی ویب سائٹ ٹوئٹر پر عاجزانہ پیغام جاری کرتے ہوئے لکھا کہ نظام چلانے والی ذات صرف اللہ پاک کی ہے، آپ کے خواب آپ کو اس وقت تک جگائے رکھیں جب تک وہ پورے نہ ہوجائیں جبکہ قومی کرکٹر نے عوام سے پاکستانی ٹیم کیلئے دعاؤں کی بھی درخواست کی ہے۔
Nizaam chalane wali zaat sirf Allah Pak ki hai.
— Mohammad Rizwan (@iMRizwanPak) November 4, 2021
May your dreams keep you awake and push you out of your comfort zone, Amen.
Keep team Pakistan in your prayers. pic.twitter.com/It6SLCjCNY
یاد رہے کہ پاکستان 2 نومبر کو ہونے والے میچ میں نمیبیا کو شکست دے کر ٹی 20ورلڈکپ کے سیمی فائنل میں پہنچ گیا ہے جب کہ اب پاکستان 7 نومبر کو سکاٹ لینڈ کیخلاف اپنا آخری گروپ میچ کھیلے گا۔
محمد رضوان میگا ایونٹ میں شاندار بلے بازی کی بدولت انٹرنیشنل کرکٹ کونسل(آئی سی سی ) کی ٹی 20رینکنگ میں چوتھے نمبر پر براجمان ہیں جبکہ قومی ٹیم کے کپتان بابر اعظم کی ون ڈے اور ٹی 20درجہ بندی میں حکمرانی ہے۔
