تازہ ترین
  • بریکنگ :- رحیم یارخان:فیروزہ میں ٹرک منی کوسٹر پرالٹ گیا
  • بریکنگ :- حادثے میں 13 افرادجاں بحق،5 زخمی، ریسکیو حکام
  • بریکنگ :- رحیم یارخان: منی کوسٹرمیں 18 افراد سوار تھے،ریسکیوحکام
  • بریکنگ :- مین شاہراہ پرسیوریج کا پانی جمع ہونےسےمنی کوسٹرپھنس گئی تھی
  • بریکنگ :- رحیم یارخان:روڈپرپہلےسےپھنسی کوسٹرپرٹرک آگرا،ریسکیوحکام

شان مسعود کی ٹاپ آرڈر میں جگہ نہیں بنتی، حسن کو آرام دینا بہتر ہے: محمد وسیم

Published On 03 August,2022 05:24 pm

لاہور:(دنیا نیوز) قومی کرکٹ ٹیم کے چیف سلیکٹر محمد وسیم نے کہا ہے کہ کھلاڑیوں میں تجربے کی کمی ہے، تمام کھلاڑی نوجوان ہیں اور پرفارم کر رہے ہیں، شان مسعود کی ٹاپ آرڈر میں جگہ نہیں بنتی، حسن علی کو آرام دینا ان کیلئے بہتر ہے۔

دورہ نیدرلینڈز اور ایشیا کپ کیلئے قومی کرکٹ ٹیم کے اعلان کے بعد چیف سلیکٹر نے قذافی سٹیڈیم لاہورمیں پریس کانفرنس کرتے ہوئے کہا کہ ہر شعبے کیلئے بہترین کھلاڑی کا انتخاب کیا ہے، سکواڈ میں کم تجربہ کار اور نوجوان کھلاڑی شامل کئے ہیں۔

محمد وسیم نے مزید کہا کہ شان مسعود ہمارے پلان میں ہیں لیکن اس وقت ٹاپ آرڈر میں ان کی جگہ نہیں بنتی، حسن علی کو آرام دینا بہتر ہے، ان کی جگہ نسیم شاہ بہترین آپشن تھے، فہیم اشرف بھی اچھے کھلاڑی ہیں لیکن جو کمبی نیشن بنا وہ فٹ ہے۔

قومی کرکٹ ٹیم کے چیف سلیکٹر نے کہا کہ گزشتہ ورلڈ کپ میں ہم نے بھارت کو ہرایا، امید ہے اس بار بھی کھلاڑی اچھی کارکردگی دکھائیں گے۔