کراچی: (دنیا نیوز) معروف سابق آل راؤنڈر اور پاکستان کرکٹ ٹیم کے نئے چیف سلیکٹر شاہد آفریدی نے قومی کرکٹ ٹیم کے پورے سکواڈ کے لئے بڑی ضیافت کا اہتمام کیا ہے۔
پاکستانی ٹیسٹ اور ون ڈے سکواڈ کے تمام کھلاڑی و آفیشلز آج بروز ہفتہ سابق کپتان شاہد آفریدی کے گھر جائیں گے جہاں ان کے لئے پرتکلف کھانے کا اہتمام کیا گیا ہے۔
چیف سلیکٹر شاہد آفریدی کی جانب سے دی جانے والی دعوت میں شاہین شاہ آفریدی کو بھی خصوصی طور پر مدعو کیا گیا ہے۔
