کراچی : (دنیانیوز) جنوبی افریقا کی ویمن کرکٹ ٹیم پہلی مرتبہ دورہ پاکستان کے لیے کراچی پہنچ گئی۔
23 رکنی افریقی سکواڈ دبئی کے راستے پرواز EK600 سے کراچی پہنچا، جس پر ان کا جناح انٹرنیشنل ائیرپورٹ پر شاندار استقبال کیا گیا، مہمان ٹیم کو صدارتی پروٹوکول دیا جا رہا ہے اور سخت ترین حفاظتی حصار میں مقامی ہوٹل پہنچایا جائے گا۔
کراچی پہنچنے والے افریقی سکواڈ میں کھلاڑی، کوچنگ اسٹاف اور مینجمنٹ شامل ہے ،کپتان لورا وولوارڈٹ، ماریزان کیپ اور نادین ڈی کلرک 29 اگست کو کراچی پہنچیں گی، ٹیم فزیو تھراپسٹ مولبتسی فیلانے بھی 29 اگست کو پہنچیں گے۔
جنوبی افریقا ویمنز ٹیم کااستقبال ویمنز ونگ کی سربراہ تانیہ ملک اور جنرل مینیجرعائشہ اشعر نےکیا۔
Welcome to Pakistan, @ProteasWomenCSA!
— Pakistan Cricket (@TheRealPCB) August 27, 2023
The South Africa women s team has arrived in Karachi ahead of the T20I and ODI series against Pakistan #PAKWvSAW pic.twitter.com/5puXFaNDZo
جنوبی افریقا اور پاکستان ویمن کرکٹ ٹیموں کے مابین سیریز یکم تا 14 ستمبر تک نیشنل سٹیڈیم میں کھیلی جائے گی ، تین ٹی ٹوئنٹی انٹرنیشنل یکم، 3 اور 5 ستمبر کو کھیلے جائیں گے۔
پاکستان ویمن کرکٹ ٹیم مہمان ٹیم کے ساتھ 8، 11 اور 14 ستمبر کو ون ڈے کرکٹ میچ کھیلے گی، ون ڈے سیریز آئی سی سی چیمپئن شپ کا حصہ ہے۔
20 روزہ دورہ مکمل کرکے افریقی خواتین کرکٹرز 15 ستمبر کو وطن واپس روانہ ہوں گی۔
