لاہور: (ویب ڈیسک) پاکستان کرکٹ ٹیم کے آل راؤنڈر شاداب خان نے محمد رضوان کو قومی ٹی 20 ٹیم کا نائب کپتان مقرر ہونے پر مبارک باد دی ہے۔
شاداب نے سماجی رابطے کی ویب سائٹ ایکس (سابق ٹوئٹر) پر پوسٹ شیئر کرتے ہوئے لکھا ہے کہ مجھے یقین ہے آپ شاہین شاہ آفریدی کے بہترین نائب ہوں گے۔
شاداب خان نے اپنی پوسٹ میں سب کے لیے نیک خواہشات کا اظہار کیا ہے۔
انہوں نے کہا ہے کہ میں تمام مداحوں سے درخواست کرتا ہوں کہ دورہ نیوزی لینڈ میں قومی ٹیم کو سپورٹ کریں۔
— Shadab Khan (@76Shadabkhan) January 8, 2024
واضح رہے کہ پاکستان کرکٹ بورڈ نے وکٹ کیپر بیٹر محمد رضوان کو پاکستان ٹی ٹوئنٹی ٹیم کا نائب کپتان مقرر کر دیا ہے۔
محمد رضوان نیوزی لینڈ کے خلاف سیریز میں نائب کپتانی کے فرائض سر انجام دیں گے۔
