میلبرن: (ویب ڈیسک) پاکستانی فاسٹ بولر حارث رؤف نے کہا کہ آسٹریلیا کے خلاف شاندار پرفارمنس پر اللہ کا شکر ادا کرتا ہوں۔
قومی فاسٹ بولر حارث رؤف نے کہا کہ 22 سال بعد آسٹریلیا میں سیریز جیتے پر خوشی ہوئی ہے، میکسویل کے ساتھ میلبرن اسٹارز میں کافی عرصے سے کرکٹ کھیل رہا ہوں، میکسویل اور مارنس لبوشین کو آؤٹ کرکے اچھا لگا۔
اس موقع پر قومی فاسٹ بولر شاہین شاہ آفریدی نے گفتگو کرتے ہوئے کہا کہ جلد وکٹ لینے سے حریف ٹیم پر پریشر میں آجاتا ہے، کوشش تھی لائن اینڈ لینتھ پر بولنگ کروں ،جس میں کامیاب ہوا۔
شاہین شاہ آفریدی نے مزید کہا کہ کوشش ہوتی ہے بولنگ کے ساتھ بیٹنگ اور فیلڈنگ میں بھی پرفارم کروں۔
