راولپنڈی: (دنیا نیوز) پریزیڈنٹ ٹرافی گریڈ ون کے فائنل میں پی ٹی وی کے خلاف سٹیٹ بینک کی 3 گیندوں پر 4 وکٹیں گرگئیں۔
راولپنڈی کرکٹ سٹیڈیم میں کھیلے جارہے میچ میں کھیل کے پہلے روز سٹیٹ بینک نے 3 گیندوں پر 4 وکٹیں گنوائیں۔
اننگز کے 27 ویں اوور کی تیسری گیند پر پی ٹی وی کے فاسٹ باؤلر محمد شہزاد نے عمر امین کو آؤٹ کیا، چوتھی گیند پر فواد عالم آؤٹ ہوئے۔
پانچویں گیند سے قبل سعود شکیل کو ٹائم آؤٹ قرار دے دیا گیا اور پانچویں گیند پر شہزاد نے عرفان نیازی کو بولڈ کر کے ہیٹ ٹرک بھی مکمل کی اور اس طرح پی ٹی وی کو یکے بعد دیگرے 3 گیندوں پر 4 وکٹوں کا نقصان ہو گیا۔
خیال رہے کہ قانون کے مطابق وکٹ گرنے یا کسی بیٹر کے ریٹائر ہونے کے بعد نئے بیٹر کو تین منٹ کے اندر وکٹ پر پہنچنا ہوتا ہے بصورت دیگر اسے آؤٹ قرار دیا جا سکتا ہے۔
