اسلام آباد: (ویب ڈیسک) قومی کرکٹ ٹیم کے سابق فاسٹ با=لر شعیب اختر نے کہا ہے کہ حارث رؤف، شاہین اور نسیم شاہ مجھے دے دیئے جاتے تو ان کو میگا سٹار بنا دیتا۔
پاکستان کرکٹ ٹیم کے سابق تیز ترین باولر شعیب اختر نے اسلام آباد میں ایک تقریب کے دوران گفتگو کرتے ہوئے کہا کہ شاہین آفریدی، حارث رؤف اور نسیم شاہ کو ریسٹ دینا پڑے گا، چیئرمین پی سی بی محسن نقوی کرکٹ کی بہتری کے لئے کام کرنا چاہتے ہیں لیکن انہیں اپنے 9 رتن بھی تبدیل کرنا ہوں گے۔
شعیب اختر کا کہنا تھا کہ سمجھ سے بالاتر ہے کیوں کھلاڑیوں کو پہلے نکالا جاتا ہے اور پھر شامل کیا جاتا ہے، چیمپئنز ٹرافی میں ٹیم کی کارکردگی سے بہت مایوسی ہوئی۔
سابق فاسٹ باؤلر کا مزید کہنا تھا کہ کرکٹ کا بھی ہاکی والا حال کیا جارہا ہے، مینجمنٹ اور ٹیم میں مسلسل تبدیلیوں سے کچھ حاصل نہیں ہو رہا۔
