لاہور: (دنیا نیوز) قومی بلے باز محمد حارث نے کہا کہ نیوزی لینڈ مشکل ٹور ہے جو مینجمنٹ کی طرف سے رول ملے گا وہ پورا کرنے کی کوشش کروں گا۔
قومی کرکٹ ٹیم کے بلے بازمحمد حارث نے ٹریننگ سیشن پر میڈیا سے گفتگو کرتے ہوئے کہا کہ میں نے 9 ٹی 20 کھیلے ہیں لیکن صرف ایک میں اوپننگ کی ہے، جہاں بھی موقع ملا پرفارم کروں گا۔
انہوں نے کہا کہ ڈومیسٹک میں بہت کام کیا، پاکستان شاہینز کھیلا تو کوشش کی کہ غلطیوں پر کام کروں، جو غلطیاں کیں ان کو سدھارنے کی کوشش کروں گا۔
محمد حارث کا کہنا تھا کہ ہر کھلاڑی کی ذمہ داری ہے جہاں اور جب موقع ملے اس سے فائدہ اٹھانے کی کوشش کریں، بابر اعظم کے ساتھ پشاور زلمی میں کھیلیں گے۔
انہوں نے مزید کہا ہے کہ جب بھی کپتانی کا موقع ملا اپنا 100 فیصد دینے کی کوشش کی، بابر اعظم اور محمد رضوان کو موقع دینا سلیکٹرز کی مرضی ہے، مجھے جو موقع ملے گا میں پرفارم کرنے کی کوشش کروں گا۔
