لاہور: (دنیا نیوز) قومی ٹیم کے سابق ٹیسٹ کرکٹر باسط علی نے پاکستان سپرلیگ (پی ایس ایل) 10 کے بقیہ میچز بنگلادیش میں کرانے کی تجویز دے دی۔
ایکس پر جاری بیان میں باسط علی کا کہنا تھا کہ پی ایس ایل کے بقیہ میچز دبئی کے بجائے بنگلادیش میں کرانے چاہئیں۔
باسط علی کا کہنا تھا کہ بنگلادیش ہمارا بھائی ہے اور وہاں لوگ بھی بہت آتے ہیں میچ دیکھنے، پاکستان کرکٹ بورڈ (پی سی بی) نے ایسا کیا تو دیکھنا کیسے تالیاں بجتی ہیں۔
— Basit Ali (@BasitAOfficial) May 9, 2025
خیال رہے کہ بھارتی جارحیت کے باعث پی سی بی نے پی ایس ایل غیرمعینہ مدت کے لیے معطل کرنے کا اعلان کیا تھا۔
تاہم گزشتہ روز پاکستان سپر لیگ کی انتظامیہ نے فرنچائزز کو غیر ملکی کھلاڑیوں کو دبئی میں روکنے کا کہہ دیا تھا۔
ذرائع کا کہنا تھا کہ فرنچائزز سے مقامی کھلاڑیوں کو بھی ذہنی طور پر تیار رہنے کا کہا گیا اور پیغام دیا گیا کہ ممکن ہے کہ پی ایس ایل کے لیے اسلام آباد میں اکٹھا ہونا پڑے۔
