لاہور: (دنیا نیوز) پاکستان کرکٹ بورڈ (پی سی بی) نے جنوبی افریقہ کے خلاف وائٹ بال سیریز کے ٹکٹس کی فروخت شروع کردی۔
راولپنڈی میں شیڈول پہلے ٹی 20 میچ کے ٹکٹ کم سے کم 400 روپے سے لے کر 15 ہزار روپے تک میں دستیاب ہیں، اسی طرح لاہور کے قذافی سٹیڈیم میں شیڈول دوسرے اور تیسرے ٹی 20 میچ کے ٹکٹ 400 روپے سے لے کر 2500 روپے تک میں دستیاب ہیں۔
— Pakistan Cricket (@TheRealPCB) October 21, 2025
دوسری جانب فیصل آباد کے اقبال سٹیڈیم میں کھیلی جانے والی ون ڈے سیریز کے لیے ٹکٹ کی کم سے کم قیمت 400 روپے اور زیادہ سے زیادہ 3 ہزار روپے رکھی گئی ہے۔
خیال رہے کہ پاکستان اور جنوبی افریقہ کے درمیان پہلا ٹی 20 میچ 28 اکتوبر، دوسرا ٹی 31 اکتوبر اور تیسرا ٹی 20 میچ یکم نومبر کو کھیلا جائے گا جبکہ ون ڈے سیریز کے میچز 4، 6 اور 8 نومبر کو کھیلے جائیں گے۔
