لاہور: (دنیا نیوز) چیئرمین پاکستان کرکٹ بورڈ (پی سی بی) محسن نقوی نے جنوبی افریقہ کے خلاف ٹی 20 سیریز جیتنے پر قومی ٹیم کو مبارکباد دی ہے۔
اپنے بیان میں محسن نقوی نے کہا کہ کھلاڑیوں نے آخری و تیسرے میچ میں شاندار کارکردگی کا مظاہرہ کر کے فتح حاصل کی۔
ان کا کہنا تھا کہ بابر اعظم کی بیٹنگ اور شاہین شاہ آفریدی کی باؤلنگ نے جیت میں اہم کردار ادا کیا، آج کی فتح ٹیم ورک، محنت اور پروفیشنل اپروچ کا نتیجہ ہے۔
چیئرمین پی سی بی نے کہا کہ شائقین کرکٹ بہترین ماحول میں ہر میچ سے محظوظ ہوئے۔
یاد رہے کہ پاکستان نے جنوبی افریقہ کو تیسرے ٹی 20 میچ میں شکست دے کر سیریز اپنے نام کر لی، بابر اعظم کو پلیئر آف دی میچ جبکہ فہیم اشرف کو پلیئر آف دی سیریز قرار دیا گیا۔
