فیصل آباد: (دنیا نیوز) فیصل آباد میں 17 سال بعد انٹر نیشنل کرکٹ کا میلہ سجنے کو تیار ہے، اقبال کرکٹ سٹیڈیم ون ڈے انٹر نیشنل کی میزبانی کرے گا۔
پاکستان اور جنوبی افریقہ کی ٹیمیں پہلے ون ڈے میں آج مد مقابل ہوں گی، خامیوں کو دور کرنے کیلئے دونوں ٹیموں نے بھر پور پریکٹس کی، سیریز کے لیے ٹرافی کی رونمائی کر دی گئی، قومی ٹیم کے کھلاڑیوں کا فوٹو سیشن بھی ہوا۔
کپتان شاہین شاہ آفریدی نے کہا پاکستانی ٹیم کی کپتانی کرنا اعزاز کی بات ہے، ٹی 20 سیریز جیتنے کے بعد کھلاڑیوں کے حوصلے بلند ہیں، بابراعظم کا فارم میں آنا خوش آئند ہے۔
جنوبی افریقہ کے کپتان میتھیو بریٹز کی نے کہا فیصل آباد میں کرکٹ کو انجوائے کریں گے، بابر اعظم بڑے کھلاڑی ہیں، انہیں جلد آؤٹ کرنے کی کوشش کریں گے۔
