لاہور: (دنیا نیوز) لاہور قلندرز نے پی ایس ایل کیساتھ مزید 10 سال کیلئے معاہدہ کی تجدید کر دی، لاہور قلندرز نے ای وائی کی ویلیوایشن کے بعد معاہدے کی تجدید کی۔
چیئرمین پی سی بی محسن نقوی نے کہا کہ لاہور قلندرز کی جانب سے معاہدے کی تجدید پی ایس ایل پر اعتماد کا ثبوت ہے، لاہور قلندرز کے مالکان نے اپنی فرنچائز کو عالمی برانڈ بنا دیا۔
سی ای او پی ایس ایل سلمان نصیر نے کہا کہ پی ایس ایل اگلے سال 11 ویں ایڈیشن سے 8 ٹیموں تک بڑھ جائے گا، لاہور قلندرز کا جذبہ اور توانائی پی ایس ایل کی پہچان ہے، قلندرز کی ٹیلنٹ نرسری نے پاکستان کرکٹ کو نیا خون دیا۔
واضح رہے کہ شاہین شاہ آفریدی کی قیادت میں ٹیم نے 4 سال میں تین ٹائٹل لاہور قلندرز کے نام کیے، پی سی بی کا لاہور قلندرز کے ساتھ مضبوط شراکت داری جاری رکھنے کا عزم کا اظہار کیا۔
