میلبرن: (دنیا نیوز) میلبرن سٹارز کے پاکستانی کھلاڑی حارث رؤف نے کہا ہے کہ بابر اعظم ورلڈ کلاس کھلاڑی ہیں، انہیں جلد آؤٹ کرنے کی کوشش کروں گا۔
آسٹریلیا میں پریس کانفرنس کرتے ہوئے قومی فاسٹ بولر حارث رؤف نے کہا ہے کہ بابر اعظم اور محمد رضوان کے خلاف بولنگ کرانا ہمیشہ اچھا لگتا ہے، بگ بیش میں پاکستانی کھلاڑی ٹاپ کیٹیگری میں شامل ہوئے ہیں، ایشیا میں شائقین کرکٹ بگ بیش کے لیے کافی پُرجوش ہیں۔
انہوں نے کہا ہے کہ آسٹریلین کنڈیشنرز میں بولنگ کروانا چیلنجنگ ہے، کسی کھلاڑی کو بگ بیش میں کھیلنے کے لیے تجویز نہیں دی، بگ بیش میں پہلی بار اتنے زیادہ پاکستانی کھلاڑی ایک ساتھ نظر آرہے ہیں، بگ بیش پاکستانی کھلاڑیوں کے لیے سیکھنے کا موقع ہے۔
حارث رؤف نے مزید کہا ہے کہ میلبرن سٹارز کو فالو کرتا ہوں، اس سال جیتنے کی کوشش کریں گے، میلبرن سٹارز کے لیے بگ بیش کے لیے مکمل دستیاب ہوں۔
