ایڈیلیڈ: (دنیا نیوز) ایشیز سیریز کے تیسرے ٹیسٹ میچ سے قبل سڈنی میں فائرنگ واقعے کے متاثرین کی یاد میں تقریب کا انعقاد کیا گیا۔
ایڈیلیڈ ٹیسٹ میں فائرنگ سے متاثرہ افراد کی یاد میں خاموشی اختیار کی گئی اور تقریب میں ہلاک اور زخمی ہونے والے افراد کو یاد کیا گیا، اس موقع پر ایڈیلیڈ سٹیڈیم میں موجود ہزاروں کرکٹ فینز نے بھی پُرنم آنکھوں کے ساتھ متاثرین کو یاد کیا۔
تقریب میں آسٹریلیا کے معروف گلوکار جان ولیمسن نے معروف گانا گا کر حاضرین کے حوصلے بڑھائے اور متاثرین کو یاد کیا۔
میچ میں انگلینڈ اور آسٹریلیا کے کھلاڑی بازوؤں پر سیاہ پٹی باندھ کر کھیل رہے ہیں، دوسری جانب سٹیڈیم میں آج پرچم سرنگوں ہیں جبکہ میچ کے لیے سکیورٹی کے سخت انتظامات کیے گئے ہیں۔
