سڈنی: (دنیا نیوز) سڈنی کے ساحل پر فائرنگ کے واقعے کے بعد بگ بیش لیگ کی ٹیم سڈنی سکسرز نے ہوم گراؤنڈ پر کھیلے جانے والے میچ کے حوالے سے اعلامیہ جاری کردیا۔
سڈنی سکسرز نے کہا ہے کہ فائرنگ کے افسوسناک واقعے کے بعد میچ کے موقع پر اضافی سکیورٹی تعینات کرنے کا فیصلہ کیا گیا ہے، شائقین کرکٹ کی حفاظت کے پیش نظر سکیورٹی کے اضافی اقدامات کیے گئے ہیں۔
سڈنی سکسرز نے اعلامیے میں مزید کہا ہے کہ ساحل پر ہونے والے واقعے پر متاثرہ افراد سے افسوس کا اظہار کرتے ہیں، اس سلسلے میں میچ سے قبل خاموشی اختیار کی جائے گی۔
سڈنی سکسرز کے مطابق متاثرہ افراد کی یاد میں کھلاڑی بازوؤں پر سیاہ پٹی باندھیں گے، سڈنی سکسرز کل ہوم گراؤنڈ پر ایڈیلیڈ سٹرائیکرز کا سامنا کرے گی۔
