کرائم
خلاصہ
- لاہور: (دنیا نیوز) لاہورکے علاقہ رائے ونڈ میں ڈاکو چینی شہری سے اہم کاغذات لے اڑے، تینوں ڈاکو کچھ دور جاکر ٹرالی سے ٹکرا گئے جس کے باعث ایک ڈاکو ہلاک جبکہ 2زخمی ہوگئے۔
تفصیلات کے مطابق صوبائی دارالحکومت لاہور کے علاقے رائے ونڈ کے علاقے میں چینی شہری سے ڈکیتی کی واردات ہوئی، ڈاکوؤں کی چینی شہری کے ڈرائیور کو دھمکانے کیلئے ہوائی فائرنگ کی۔ چینی شہری کا ڈرائیور خوفزدہ ہو کر موقع سے فرار ہو گیا۔
ڈاکو چیک، نقدی اور اہم دستاویزات سے بھرا بیگ لے کر فرار ہوگئے،ڈاکو کچھ ہی دورکوٹ لکھپت روڈ پر ٹریفک حادثے کا شکارہوگئے،حادثے میں ایک ڈاکوہلاک جبکہ 2زخمی ہوگئے، زخمی ڈاکوؤں کوطبی امداد کیلئے ہسپتال جبکہ ہلاک ڈاکو کی لاش مردہ خانے منتقل کردی گئی۔
