جوہر ٹاون میں واقع گھر میں گھس کر 5 ڈاکووں نے فیملی اور عملے کو یرغمال بنایا اور لوٹ مار کرتے رہے۔ ایف آئی آر کے مطابق ڈاکٹر نسیم چوہدری نے گھر میں کلینک بنا رکھا ہے، مسلح ڈاکو کلینک میں داخل ہوئے اور وہاں سے اسلحے کے زور پر گھر میں گھس گئے۔ ڈاکو 1 کروڈ روپیہ نقد،160 تولے سونا،جواہرات،4 عدد گھڑیاں لوٹ کر لے گئے۔

ڈاکووں نے خواتین اور بچوں پر واردات کے دوران شدیدتشدد کیا،ملزمان لوٹ مار کے دوران فیملی کو بالائی منزل پر لے گئے،خواتین اور بچوں کے ہاتھ پاوں باندھ دیئے۔ ڈاکٹر نسیم اپنی بیٹی کو کالج سے لے کر گھر پہنچا تو اسے بھی یرغمال بنا کرشدید تشدد کا نشانہ بنایا۔