کوئٹہ : (دنیا نیوز)کوئٹہ کے نواحی علاقے ہزار گنجی کے قریب سی ٹی ڈی کے ساتھ فائرنگ کے تبادلے میں چار منشیات فروش ملزمان ہلاک ہوگئے۔
سی ٹی ڈی ترجمان کے مطابق سی ٹی ڈی نے خفیہ اطلاع پر ہزار گنجی میں کارروائی کی، ملزمان سے فائرنگ کے تبادلے میں 4 منشیات فروش ہلاک ہو گئے جبکہ ملزمان کے زیر استعمال ٹرک سے منشیات اور اسلحہ برآمد کر لیا گیا۔
ترجمان سی ٹی ڈی کا کہنا ہے کہ ہلاک ملزمان کا تعلق کالعدم تنظیم سے تھا، ملزمان کیخلاف مقدمہ درج کر کے کارروائی کا آغاز کر دیا گیا ہے۔
