کندھ کوٹ : ( دنیا نیوز ) سندھ کے شہر کندھ کوٹ کے علاقے گڑی تیغو میں پولیس نے کارروائی کرتے ہوئے کچے کے ڈاکوؤں سے گزشتہ روز اغوا ہونے والا ٹرک ڈرائیور بازیاب کر الیا۔
ایس ایس پی عرفان سموں کے مطابق پولیس کو اطلاع ملی تھی کہ ڈاکو مغویوں کو ایک جگہ سے دوسری جگہ منتقل کر رہے ہیں، پولیس موقع پر پہنچی تو ڈاکوؤں نے فائرنگ شروع کردی۔
عرفان سموں نے مزید بتایا کہ پولیس کی جوابی فائرنگ سے ڈاکو مغوی ٹرک ڈرائیور کو چھوڑ کر فرار ہوگئے جبکہ فرار ڈاکوؤں کی گرفتاری کے لیے علاقے کی ناکہ بندی کر کے سرچ آپریشن شروع کر دیا گیا ہے۔
