اسلام آباد: (دنیا نیوز) اینٹی نارکوٹکس فورس (اے این ایف ) نے راولپنڈی میں کارروائی کرتے ہوئےبیرون ملک منشیات سمگلنگ کی کوشش ناکام بنا دی۔
ترجمان اے این ایف کے مطابق اینٹی نارکوٹکس فورس (اے این ایف ) نے راولپنڈی کے ایک کورئیرآفس میں نیوزی لینڈ بھیجےجانیوالےمشکوک پارسل سےآئس برآمد کرلی ، کارروائی کے دوران 8 چپلوں میں سے 800 گرام آئس برآمد کی گئی۔
ترجمان کابتانا ہے کہ برآمد شدہ منشیات مہارت سے چپلوں کے تلوں (سُول) میں چھپائی گئی تھی ، ملزمان کی گرفتاری کے لئے آپریشن جاری ہے جبکہ انسداد منشیات ایکٹ کے تحت مقدمہ درج کرلیا گیا۔
