راولپنڈی: (دنیا نیوز) راولپنڈی کے تھانہ پیر ودھائی کے علاقے سے پانچ سالہ بچی کو اغوا کر لیا گیا۔
بچی گھر سے چیز لینے دکان پر گئی واپس نہ آئی، والد کی مدعیت میں مقدمہ درج کر لیا گیا، بچی کو اغوا کرکے لے جانے والے ملزم کی سی سی ٹی وی فوٹیج سا منے آگئی، فوٹیج میں شلوار قمیض پہنے شخص کو بچی کو لے جاتے دیکھا جاسکتا ہے۔
پولیس کے مطابق بچی کو اغوا کرنے والا نامعلوم شخص چہرہ چھپانے کی کوشش بھی کررہا ہے، فوٹیج میں دکھائی دینے والے شخص کو تلاش کیا جارہا ہے۔
