کراچی : (دنیانیوز) کراچی کے علاقے قائد آباد میں صرف 9 سیکنڈز میں مبینہ طور پر 55 لاکھ روپےکی ڈکیتی کا واقعہ پیش آیا ہے ، شہری سے سر عام لوٹ مار کی فوٹیج منظر عام پر آگئی ۔
پولیس کے مطابق فوٹیج میں دو لٹیروں کو شہری سے رقم سے بھرا بیگ چھینتے دیکھا جا سکتا ہے ، موٹر سائیکل سوار لٹیروں نے شناخت چھپانے کیلئے ہیلمٹ پہن رکھے ہیں ، ایک لٹیرے نے اسلحہ نکال کر شہری کودھمکایا دوسرے نے رقم سے بھرا بیگ چھینا۔
پولیس نے بتایا کہ راشد نامی شہری رقم بینک میں جمع کروانے جا رہا تھا، واقعہ کا مقدمہ نامعلوم ملزمان کے خلاف درج کرلیا گیا جبکہ ملزمان کی تلاش شروع کردی گئی ہے ۔
