فیصل آباد : (دنیا نیوز) سی سی ڈی کے ساتھ مبینہ مقابلوں میں 2 ڈاکو ہلاک ہو گئے۔
پولیس کے مطابق تھانہ صدر جڑانوالہ کے چک 105 گ ب میں دوطرفہ فائرنگ کے تبادلے میں 30 مقدمات میں ریکارڈ یافتہ ملزم فیصل ہلاک ہوا۔
ادھر سمن آباد کے علاقے ستارہ کالونی میں فائرنگ کے دوران 68 مقدمات میں ملوث کامران عرف کامی مارا گیا۔
پولیس مقابلوں میں ہلاک ہونے والے ملزمان قتل، اقدام قتل، ڈکیتی، راہزنی کے مقدمات میں مطلوب تھے، پولیس نے لاشوں کو قبضے میں لے کر ہسپتال منتقل کردیا۔
