اسلام آباد: (دنیا نیوز) سپریم کورٹ آف پاکستان نے نرسوں پر تیزاب پھینکنے کے مجرم کی اپیل خارج کر دی۔
پراسیکیوٹر پنجاب مرزا عابد مجید نے کہا کہ مجرم عرفان یونس نے گھناؤنا جرم کیا، میو ہسپتال میں تیزاب پھینکنے سے تین سٹاف نرسز کے چہرے جھلس گئے۔
مرزا عابد مجید نے کہا کہ ہسپتال میں نرسوں پر تیزاب پھینکنے سے خوف و ہراس پھیلا۔
مجرم کے وکیل نے کہا کہ میرے موکل کی نرسوں سے صلح ہوچکی ہے، جس پر جسٹس اطہر من اللہ نے کہا کہ دہشت گردی کی دفعات لگنے کے بعد صلح قابل قبول نہیں۔
واضح رہے کہ مجرم عرفان یونس نے 2015 میں تین سٹاف نرسوں شازیہ،شمع اور ریحانہ پر تیزاب پھینکا تھا، انسداد دہشت گردی عدالت نے مجرم کو 14 سال سزا سنائی تھی۔
لاہور ہائیکورٹ نے انسداد دہشت گردی عدالت کا فیصلہ برقرار رکھا تھا، جسٹس اطہر من اللہ کی سربراہی میں تین رکنی بنچ نے سماعت کی۔
