فیصل آباد: (ویب ڈیسک) چوہے پکڑنے والا نوجوان استاد قمر خود بھی پکڑا گیا جسے پولیس نے وارننگ دیتے ہوئے چھوڑ دیا۔
چوہے پکڑنے والے نوجوان استاد قمر نے شہرت حاصل کرنے کیلئے چوہے اور نیولے کی لڑائی کروائی تھی جس کی ویڈیو سوشل میڈیا پر وائرل ہوگئی، پولیس نے نوجوان کے عمل پر کارروائی کرتے ہوئے اسے گرفتار کر لیا، تاہم ویڈیو ڈیڑھ سال پرانی ہونے پر استاد قمر چوہے والے کو تنبیہ کر کے چھوڑ دیا گیا۔
استاد قمر نے چوہے اور نیولے کی لڑائی کروانے پر معافی مانگی اور پھر چوہے پکڑنے کا کام چھوڑنے کا بیان بھی منظرِ عام پر آ گیا، منظرِ عام پر آنے والی ویڈیو میں استاد قمر چوہے مار نے ڈیڑھ سال قبل چوہے اور نیولے کی لڑائی کروانے پر پنجاب پولیس سے معافی مانگتے ہوئے آئندہ جانوروں کو نقصان نہ پہنچانے کا وعدہ کیا۔
اپنے اہلِ خانہ کی خواہش پر چوہے پکڑنے کا کام چھوڑنے کا اعلان کرتے ہوئے استاد قمر نے بتایا کہ اس نے دھاگے کی ایک فیکڑی میں ملازمت شروع کر دی ہے لہٰذا لوگ اسے اب چوہے پکڑنے کیلئے تنگ نہ کریں۔
