پھولنگر: (دنیا نیوز) پھولنگر کی پولیس نے کارروائی کرتے ہوئے خاتون سمیت 3 بدنام زمانہ منشیات فروش گرفتار کر لئے۔
تھانہ سٹی پھولنگر پولیس نے ایس ایچ او عظیم حفیظ کی سربراہی میں منشیات فروشوں کے خلاف کریک ڈاؤن کیا، ملزمان کی شناخت فرحان عرف ٹیٹو، ریاض اور رانی بی بی سکنہ پھولنگر کے ناموں سے ہوئی ہے۔
ملزمان کے قبضہ سے لاکھوں روپے مالیت کی اڑھائی کلوگرام ہیروئن و آئس اور 2 کلوگرام چرس برآمد کر لی گئی، ملزمان کے خلاف امتناع منشیات کی دفعات کے تحت الگ الگ مقدمات درج کر لئے گئے۔
