بالی ووڈ میں بننے والی فلم میں ملالہ یوسفزئی کا کردار بھارتی چائلڈ ایکٹرس ریم شیخ ادا کر رہی ہیں۔
ممبئی: (ویب ڈیسک) پاکستان کی نوبل انعام یافتہ طالبہ ملالہ یوسفزئی کی زندگی پر بالی ووڈ میں ایک فلم بننے جا رہی ہے جو اپنی تکمیل کے آخری مراحل میں ہے۔ گل مکئی نامی اس فلم کا پہلا پوسٹر سماجی رابطوں کی ویب سائٹس پر جاری کر دیا ہے۔ میڈیا رپورٹس کے مطابق اس فلم کے پرڈیوسر آنند کمار جبکہ ہدایتکاری کے فرائض امجد خان نے سرانجام دیے ہیں۔ ریم شیخ فلم گل مکئی میں ملالہ یوسفزئی کا کردار نبھائیں گی۔ فلم کی دیگر کاسٹ میں اوم پوری کا نام نمایاں ہے۔
Reem s new movie- Malala Yousafzai Biopic- Gul Makai pic.twitter.com/wEyvcx1rsz
— Sam_Reem (@sameershaikh_7) September 2, 2017
بھارتی میڈیا سے گفتگو کرتے ہوئے ریم شیخ نے کہا کہ وہ ملالہ یوسفزئی کا کردار نبھاتے ہوئے بہت نروس تھیں کیونکہ پاکستانی طالبہ عالمی حیثیت کی حامل شخصیت ہیں۔
