لاہور: (ویب ڈیسک) ) اداکارہ مہوش حیات نے کہا ہے کہ انڈین فلم میکرز زیادہ تر پاکستانی فنکاروں کو بی اور سی کلاس کام دیتے ہیں۔
اپنے ایک بیان میں مہوش حیات نے کہا ہے کہ آئٹم سانگ کرنا کوئی غلط کام نہیں، مجھے انڈین فلموں میں کام کرنے کا کوئی شوق نہیں، پاکستانی فنکار شہرت کیلئے بھارت جاتے ہیں مگر آجکل بھارت پاکستانی فنکاروں کے ساتھ جو سلوک کر رہا ہے اس پر انکی آنکھیں کھل جانی چاہئیں۔
انہوں نے کہا کہ میرے پاس اپنے ملک کے ڈراموں اور فلموں کی بہت آفرز ہیں اب ہماری اپنی پروڈکشنز معیاری اور بین الاقوامی معیار کی بن رہی ہیں۔
