لاہور: ( روزنامہ دنیا) فلمسٹار ریما خان نے کامیاب ازدواجی زندگی کا راز بتا دیا۔ اس حوالے سے ریما نے کہا کہ کوئی گھر ایسا نہیں جہاں میاں بیوی کے درمیان اختلاف نہ ہو مگر ایک دوسرے کی باتوں کو نظر انداز کرنے سے ناراضگیاں کم ہوسکتی ہیں۔
انہوں نے بتایا میرے شوہر اور میرے درمیان جب ناراضگی ہوتی ہے تو میں انکی باتیں خاموشی سے سنتی رہتی ہوں کیونکہ اس سے اختلاف اور آگے نہیں بڑھتا۔ میری شادی شدہ لڑکیوں کو نصیحت ہے کہ وہ شوہر کی غصے والی بات سن لیا کریں کیونکہ اس پر ردعمل دینے سے اختلافات اور بڑھ جاتے ہیں۔
