اسلام آباد: (دنیا نیوز ) پاکستان ٹیلی کمیو نیکیشن اتھارٹی نے یوٹیوب کی بندش کی تردید کر دی۔
پی ٹی اے کی جانب سے جاری ہونے والے بیان میں کہا گیاہے کہ یوٹیوب یا کسی بھی سوشل میڈیا پلیٹ فارم کو بند کرنے کی کوئی ہدایت جاری نہیں کی گئی۔
ترجمان نے بتایا کہ یوٹیوب کی بندش سے متعلق پرانی پریس ریلیز سوشل میڈیا پر دوبارہ گردش کر رہی ہے، پرانی پریس ریلیز عوام میں غیر ضروری غلط فہمی کا باعث بن رہی ہے، یہ پریس ریلیز ستمبر2012 میں سپریم کورٹ کےاحکامات کی تعمیل میں جاری کی گئی تھی، زیرِ گردش مواد پرانا ہے اور موجودہ حالات سے اِس کا کوئی تعلق نہیں ہے۔
پی ٹی اے نے عوام کو مصدقہ معلومات کیلئے پی ٹی اے کی سرکاری ویب سائٹ اور سوشل میڈیا اکاؤنٹس سے رجوع کرنے کا مشورہ دیا ہے۔
