فلوریڈا: (ویب ڈیسک) سپیس ایکس نے خلا میں مزید 28 انٹرنیٹ سیٹلائٹس روانہ کر دیں۔
میڈیا رپورٹس کے مطابق سپیس ایکس نے فلوریڈا کے کیپ کیناویرل سپیس فورس سٹیشن سے 28 وی ٹو انٹرنیٹ سیٹلائٹس کو زمین کے نچلے مدار میں روانہ کر دیا ہے۔
رپورٹ کے مطابق یہ 28 سیٹلائٹس زمین کے نچلے مدار میں پہلے سے ہی موجود تقریباً 7,300 سیٹلائٹس میں نیا اضافہ ہے، پے لوڈ لے جانے والے فالکن 9 راکٹ کو شام 6:51 کے بعد لانچ کیا گیا۔
یہ پہلے سٹیج کے فیول بوسٹر کیلئے 18 واں مشن تھا، جو لانچ کے تقریباً 8 1/2 منٹ بعد بحر اوقیانوس میں تعینات ڈرون شپ پر اترا۔
یہ دوبارہ قابل استعمال بوسٹر، ٹیل نمبر 1080 کے ساتھ، بین الاقوامی خلائی سٹیشن، دو کارگو مشنز اور یورپی خلائی ایجنسی کی یوکلڈ آبزرویٹری کیلئے دو نجی خلابازوں کے مشن کو شروع کرنے کیلئے استعمال کیا گیا ہے۔
یہ 440 واں موقع تھا جب اسپیس ایکس نے دوبارہ قابل استعمال ایندھن کے بوسٹر کو استعمال کیا۔ یہ اسپیس ایکس کا مجموعی طور پر 468 واں لانچ اور سال کا 51 واں لانچ ہے۔
