واشنگٹن: (روزنامہ دنیا) دنیا بھر میں تہلکہ مچانے والے سابق امریکی صدر بل کلنٹن کے رومانوی سکینڈل پر امریکی کمپنی نے فلم بنانے کا اعلان کر دیا۔
میڈیا رپورٹ کے مطابق اس فلم کو آئندہ برس امریکی صدارتی انتخابات سے ایک ہفتہ قبل ریلیز کیا جائے گا۔ اگرچہ مونیکا لیونسکی اور بل کلنٹن کے معاشقے کا سکینڈل 22 سال پرانا ہے تاہم اب بھی عالمی میڈیا کی خبروں کی زینت بنتا رہتا ہے اور اس پر بہت سی دستاویزی فلمیں بن چکی اور کئی کتابیں لکھی گئی ہیں۔
اس حوالے سے دلچسپ بات یہ ہے کہ اس فلم کو خود مونیکا لیونسکی پروڈیوس کریں گی، وہ امریکن کرائم سٹوری کے تیسرے سیزن کی شریک پروڈیوسر بھی ہوں گی۔ فلم میں مونیکا لیونسکی کا کردار امریکی اداکارہ بینی فیلڈسٹین ادا کر رہی ہیں۔
