کراچی: (روزنامہ دنیا) ہدایتکار نبیل قریشی نے زیر تکمیل فلم قائد اعظم زندہ باد میں فہد مصطفی اور ماہرہ خان کو کاسٹ کرنے کے بعد دوسری فلم فیٹ مین کے مرکزی کردار کیلئے کامیڈین احمد علی بٹ کو سائن کر لیا ہے۔
میڈیا رپورٹ کے مطابق احمد بٹ کے ساتھ کسی ہیروئن کو فی الحال مرکزی کردار کیلئے سائن نہیں کیا گیا۔ نبیل قریشی کا کہنا ہے کہ موجودہ دور میں کامیڈین کے کردار میں احمد بٹ سے بہتر کوئی اور نہیں ہے۔
احمد بٹ ٹی وی ڈراموں کے بعد فلموں میں مزاحیہ کردار کے حوالے سے منفرد پہچان رکھتے ہیں، اس سے قبل بھی احمد نے متعدد پاکستانی فلموں میں کام کیا ہے جن میں جوانی پھر نہیں آنی، سلاخیں، گناہوں کا شہر، میں اک دن لوٹ آوں گا سمیت دیگر شامل ہیں۔
