واشنگٹن: (روزنامہ دنیا) امریکی صدر ڈونلڈ ٹرمپ نے کہا ہے کہ بچوں کی مشہور زمانہ انگریزی فلم ’’ہوم الون 2‘‘ میں جلوہ گر ہونا اعزاز کی بات ہے۔
میڈیا رپورٹ کے مطابق 1992 میں ریلیز ہونیوالی فلم ’’ہوم الون‘‘ کے سیکوئل ’’ہوم الون 2، لوسٹ ان نیو یارک‘‘ کے سین میں ڈونلڈ ٹرمپ نے اداکاری کے جوہر دکھائے، اس سین میں ٹرمپ فلم کے مرکزی کردار کیون کو راستہ سمجھاتے نظر آئے۔
ٹرمپ نے بتایا کہ بچے اس فلم کو بے حد پسند کرتے ہیں، وہ مجھے اس طرح ٹی وی پر نہیں دیکھتے جس طرح اس فلم میں دیکھتے ہیں اور پھر کہتے ہیں ہم نے آپ کو اس فلم میں دیکھا۔
