لاہور: (ویب ڈیسک) وفاقی وزیر سائنس و ٹکینالوجی فواد چودھری نے بھارت میں ہونے والے مظاہروں میں کسانوں کی حمایت میں بولنے پر ہالی ووڈ گلوکارہ ریحانہ کی تعریف کی ہے۔
تفصیلات کے مطابق بھارت میں کسانوں کے حکومت مخالف احتجاج نے عالمی توجہ حاصل کرلی ہے، یہاں تک کہ ہالی ووڈ پاپ سٹار ریحانہ نے بھی بھارتی کسانوں کے ساتھ اظہار یکجہتی کرتے ہوئے ان کے حق میں آواز بلند کردی ہے۔
یہ بھی پڑھیں: عالمی شہرت یافتہ گلوکارہ ریحانہ بھی بھارتی کسانوں کے حق میں بول پڑیں
گزشتہ روز گلوکارہ ریحانہ نے بھارتی کسانوں کے احتجاج کی خبر سماجی رابطے کی ویب سائٹ ٹوئٹر پر شیئرکراتے ہوئے لکھا تھا کہ کیوں ہم اس کے بارے میں بات نہیں کررہے؟ اس کے ساتھ انہوں نے کسانوں کا احتجاج ہیش ٹیگ بھی استعمال کیا۔
why aren’t we talking about this?! #FarmersProtest https://t.co/obmIlXhK9S
— Rihanna (@rihanna) February 2, 2021
واضح رہے کہ گلوکارہ ریحانہ کی جانب سے بھارتی کسانوں کی حمایت کرنا بالی ووڈ اداکارہ کنگنا رناوت کو ذرا بھی پسند نہیں آیا اور انہوں نے ریحانہ کو بیوقوف قرار دیتے ہوئے کہا کہ کوئی اس بارے میں اس لیے بات نہیں کررہا کیونکہ یہ کسان نہیں بلکہ دہشت گرد ہیں جو بھارت کو تقسیم کرنے کی کوشش کررہے ہیں تاکہ چین ہماری ٹوٹی ہوئی کمزور قوم پر قبضہ جماسکے اور امریکا کی طرح اسے ایک چینی کالونی بناسکے۔ کنگنا رناوت نے ریحانہ کو بیوقوف کہتے ہوئے کہا ہم تمہاری طرح اپنی قوم نہیں بیچ رہے۔
وفاقی وزیر فواد چودھری نے ریحانہ کے اقدام کی تعریف کرتے ہوئے کہا ہے کہ آپ نے دنیا بھر کے تمام کسانوں اور خصوصاً دنیا بھر کے پنجابیوں کو عزت بخشی اوران کے دلوں میں اپنے لیے عزت بنالی ہے۔ آپ نے ظاہر کیا ہے کہ آپ کا دل صحیح جگہ (کسانوں کے ساتھ) ہے۔ آپ کے لیے بہت سارا احترام۔
You have earned respect of every Farmer of the world and particularly of #Punjabis all around the world you have showed your heart is on the right place.... loads if respect #FarmersProtests #Rehana https://t.co/dXiafhYeau
— Ch Fawad Hussain (@fawadchaudhry) February 3, 2021
